Årets matkulturbloggar 2022 vart Hege, vi gratulerer!

Julemiddagen vart tilberedt på vårt nye og flotte undervisningskjøkkenet før jul og matkulturstudentane serverte vårt eige heimelaga julemåltid med pinnekjøt, mørpølser, medisterpølser, rabbestappe, raudkål og gode poteter. Til dessert vart det riskrem med raud saus og nysteikte krumkaker og sjøvsagt nytrekt kaffi til. Bordet var nydelig dekka og det både lukta og smakte himmelsk sunnmørsk julemåltid!

Julemåltid på matkultur. Foto: Kari Ryslett.

Gjennom hausten har studentane arbeidd med fagbloggar som arbeidkrav etter kvar samling. Det er 9 ulike bloggar om 4 ulike tema lenka til denne studiebloggen, det vil seie 36 ulike blogginnlegg. Lærarar og studentane har avgitt sine stemmer og kåra vinnarane av bloggkonkurransen i dei ulike kategoriane. Resultatet vart slik:

Vinnaren av årets matkulturblogg Hege Lindahlen. Foto Karl August Swanstrøm.

Årets matkulturbloggar: Hege
Beste blogginnlegg om sylting, safting og  hermetisering: Hege
Beste blogginnlegg frå familiedagen på Haualeite: Chatarina
Beste blogginnlegg om tradisjonsbakst: Margit og Hege
Beste blogginlegg om konservering av kjøt: Suel og Chatarina

Sjå omtale på HVO veven: Hege ble årets matblogger 2022

Gratulerer til alle saman for det store arbeidet de har gjennomført skiftleg, digitalt og ikkje minst praktisk! Vi ønsker alle våre studentar og andre lesarar ei riktig god jul!

Beste helsing Kari Ryslett og Erik Fooladi

Kven blir årets matkultur bloggar?

No er det to blogginnlegg igjen å presentere og deretter er det duka for bloggfinale Dette er vår eiga interne kåring av årets matkulturbloggar og dei beste bloggane i ulike kategoriar. Dette skjer på den siste samlinga før jul og alle studentane skal stemme anonymt. Utdeling av premiar, heder og ære skjer under julemiddagen laurdag 3.desember.

Bloggpremiar hausten 2022. Foto: Kari Ryslett.

Kategoriane er:

1. Beste blogginnlegg om sylting, safting og hermetisering

2. Beste blogginnlegg frå familiedagen på Haualeite

3. Beste blogginnlegg om takke- og tradisjonsbakst til julehøgtid

4. Beste blogginnlegg om konservering av kjøt

5. Årets matkulturbloggar

Husk at de heile tida kan endre på bloggen, både tekst og bilder for å gjere den bedre. Kriteria er: gode bilde, lesbar tekst, bra faglig nivå og rett og slett di subjektive meining om korleis som er eit ryddig, kjekt og fint blogginnlegg ser ut!

Kven kan stemme? Alle studentane skal stemme anonymt på alle kategoriane på fredag 2.desember. Lærarane Kari og Erik har dobbeltstemme.

Husk på at når bloggane din er vurdert, er den din eigedom. Du kan slette bloggen, endre den, vidarutvikle den eller lage deg ny blogg. Eg foreslår at fagbloggen kan ligge att på internett som eit digitalt spor etter deg. Kanskje fagbloggen kjem deg til nytte ein dag?

Beste helsing Kari Ryslett og Erik Fooladi

Velkommen til Matkultur (MAK 101)

Det er kjekt med nye studentkull på Matkultur og eg vil takke for ei trivelig samling ved studiestart med safting, sylting og hermetisering på det flotte undervisningskjøkkenet ved Høgskulen i Volda.

Studentane på Matkultur (MAK 101) 2022. Foto: Kari Ryslett

No har alle fått bloggadresse og de vert etterkvart godt kjende med verktyet. På din blogg kan du skifte layout, heading, fargar og finpusse på din profil. Det viktigaste du skal gjere fagleg er å lage ein tekst med kjeldetilvisningar og å sette inn bilde eller film. Den kan vere lurt å skrive teksten i Word og samle saman bilda eller lenkene, før du legg alt inn i blogginnlegget publiserer.

Husk at bloggen er din, du bestemmer utforming, bilder, tekst og har kontroll på ditt kommentarfelt –dersom du ikkje likar ein kommentar så slett den. 

Lykke til med produkta som du skal konservere og dokumentere fagbloggen din!

Beste helsing emneansvarleg Kari Ryslett